الرئيسية » اعضاء الأندية » مشاكل الأعضاء » فضيحه جهاز كرة السلة فى نادى النصر ورئيس النادى يتهم اللاعبين بالتحرش

فضيحه جهاز كرة السلة فى نادى النصر ورئيس النادى يتهم اللاعبين بالتحرش

أصدر عدد من فريق كرة السلة فى نادى النصر بيانا كارثيا يوضح كيف يدار النادى، وكيف يرعى لاعبية الرياضيين، وجاء البيان الذى أرسله لنا احد لاعبى فريق كرة السلة كالتالى:

احنا هنحكي في البيان ده باختصار اللي حصل مع الجيل ده كله من اول يوم في النادي ده
احنا ابتدينا في النادي دا من الميني باسكت كلنا متربيين في النادي من و احنا ميني باسكت
و الحمدلله بدون غرور بشهاده جميع الكباتن سواء مسكونا او من بره النادي احنا جيل مبشر
و ليه هدف……………………..

اول سنه 14 جالنا كابتن طورنا و خلي اقل لعيب فينا مؤهل انو يلعب في المنتخب (بشهاده الجميع)
و في الماتش اللي كان هيصعدنا جمهوريه تم طرد المدرب دا خلال الماتش و كل ده ليه لان احد اقارب
المدير الفني تم اسبعاده من الاسكور شيت و خسرنا المتاتش و الفريق كله جاله حاله من الاحباط
و بالرغم من اننا مستلمناش لبس من النادي و لا خدنا جنيه من النادي ده و استحملنا و بدأت المعامله
تبقي اسوأ و اسوأ.

وفي سنه ال 16 وقفنا علي رجلينا تاني و صعدنا و تصدرنا مجموعتنا و برده ملقناش اي اهتمام
من اي حد و استمر الاهمال و الامبالاه.

سنه ال 18 صعدنا نهائي القاهره 6 كبار و لم نلقي اي اهتمام او تشجيع او تكريم بالرغم من ان ده
يعتبر انجاز كبير في تاريخ النادي و حصلنا علي المركز ال5 بدون اي تعزيزات ولا جنيه
و حتي اللبس اللي بتلعب بيه كان علي حسابنا الشخصي.

و لما بدأنا نطلب حققونا و منسكتش علي الظلم اصدر قرار بالغاء الفريق و انسحابنا من الدوري!!!
هل هذا ما يقدم لنا بعد كل ما قدمناه للنادي!!؟

رئيس النادى يتهم اللعبين بالتحرش بالبنات وأولياء الامور!!

و لحد لما بقينا 20 سنه المعامله بقت اسوأ من الأول لحد لما اتهمنا رئيس النادي ان احنا بنتحرش
بالبنات و اننا بنعمل علاقات مع اولياء الأمور!!؟

و في الفتره اللي فاتت كنا بنتفاجي ان كل شويه لاعب او اكثر موقوفين و بدون سبب واضح و عند السؤال
يتهرب الكل من الاجابه و دلوقتي بقا الكل موقوف و الفرقه اتلغت!؟

رئيس نادى النصر للاعبين: انتوا مش عارفين انا مين!!؟ انتوا مين اصلا عشان تكلمونى!!؟

و عندما توجهنا لرئيس النادي د.عمرو عبد الحق بحسب ميعاد محدد منه هو و حاولنا نفهم منه الموقف
اتكلم معانا و هو واقف و بكل غرور و قالنا انتو مش عارفين انتو بتكلمو مع مين!!؟؟ انتو مين اصلا علشان تكلموني!!؟

و رفض ان يدلنا علي سبب المشكله الرئيسي وسابنا واقفين و مشي و حصلت مشاده مع أمن النادى.

احنا بناشد كل من هو مسؤول عن النشاط في مصر احنا عايزين حقوقنا عن طريق ان كل لاعب ياخد الاستغناء الخاص به و ترد الاهانه اللتي وجهت لينا، و اللي غلط يتحاسب
و حسبي الله و نعم الوكيل في كل ظالم.

شارك الموضوع مع اصدقائك:
  • 85
    Shares

اضف رد

لن يتم نشر البريد الإلكتروني . الحقول المطلوبة مشار لها بـ *

*