منتدي الاندية اسعار اشتراكات الاندية واخبار الأندية ولوائح وقوانين الرياضة واسعار ومواصفات السيارات وأحدث اسعار السيارات وكل ما يهم اعضاء الاندية
أرسل لنا (أ.ب) احد اعضاء نادى بتروسبورت بالتجمع الخامس شكوى من سوء خدمات نادى بتروسبورت وتدنى مستوى بعض الاعضاء لعدم وجود اهتمام من ادارة العضوية عند قبول العضويات الجديدة و يتم قبول اى عضو دون مقابلة شخصية ودون التأكد من انه من مستوى النادى و الاعضاء، وعدم وجود رقابة على الاعضاء المخالفين مما ادى الى تدهور سلوك البعض منهم لأن من امن العقاب اساء الأدب، وذلك بالاضافة الى دخول غير الاعضاء للنادى بطرق مختلفة مثل الاشتراك فى الانشطة الرياضية بالنادى وهو غير عضو ويستفيد من خدمات النادى مثل العضو ولكنه لا يحافظ على النادى ويستهلك خدماته على حساب العضو،
وذكر العضو انه امتنع عن سداد اول قسط للعضوية لانه يريد الغاءها ولا يريد استكمال عضويتة بالنادى وذلك بعد 6 شهور فقط من عضويته بعد ما اكتشفه من عدم وجود لوائح قانونية تضمن حقوقه وحقوق أولادة فى خدمات النادى.
و جاءت شكوى العضو كالتالى:
-
- مافيش قوانين تثبت حقي (اللي هيه اللايحه) و توريث العضويه وباقي حقوقي من بيع عضويه نادى بتروسبورت وخلافه ولو فيه قوانين بتحكم النادي و بيراقب و بيحاسب الاعضاء زي مثلا لو عضو رمي زباله ع الارض و خد عقاب بايقاف العضويه شهر مثلا ، هتلاقي الكل التزم ودا دور النادي، مش دوري اني اراقب واحاسب الاعضاء دون المستوي اللي قبلهم النادي عشان بيلم فلوس وخلاص
- انا عضو ليه طالما ممكن اشترك في كل الالعاب زي منا شايف من غير الاعضاء لاء و ايه بيخرجوا الاعضاء من الملاعب علشان غير الاعضاء ماجرينها يعني حقوقهم فوق حقوق الاعضاء ( ياحلاوتهم) !!!!
- بيسين الغطس بقاله عشر سنين تحت الانشاء لاء وايه متحاوط بسور وليه بوابه كمان اللي هوه مانحلامش بيه
- تلوث مياه البيسين الاوليمبي زي الحادثه اللي الدنيا كلها عرفتها
- وجود كلاب ضاله بداخل النادي اللي هوه بنسيب عيالنا فيه عادي
- مافيش اعضاء من النادي في الاداره ولا حتي لجان اعضاء تشارك الاداره في معرفه ظروفنا وحل مشاكلنا وده لازم علشان حقوقنا ومشاكلنا و نبقي مرتاحين في النادي اللي اخترناه
- الشكوي حتتم ازاي هوه ينفع اشتكي الاداره للاداره يعني اروح امن الدوله اشتكيله من الشرطه !! اكيد حيتم وقف عضويتي اقل تقدير زي ماحصل مع دكتور اسلام و دكتور خالد الديب ؟!!! انا بعد ماسمعت كده استحاله اكمل
- اعضاء دون المستوي اللي النادي قبلهم من غير مقابلات و بيدخل اي حد والسلام وغير اعضاء قرايب موظفين دون المستوي بيدخلوا النادي بالحب …. ومفيش رقابه ولا عقاب غير للي بيشتكي علشان حققوقه بيوقفوا عضويته
- غير ان الموظفين وعائلاتهم بياخدوا خصم 25% لكل خدمات النادي من اول الاكل لحد الانشطه . يعني من الاخر عزبه الموظفين وعائلاتهم يبقي اشترك فيه انا ليه بقي
- مافيش فريق للنادى باسم فريق بتروسبورت، ولا اكاديميات كل اللي موجود اكاديميات و فرق انديه تانيه زي انبي وبتروجيت بتتمرن علي ملاعبنا و هي اللي بتلعب في البطولات باسمها
- اجي اشتري حاجه من الكافتيريا العامل يعاملني باسلوب زباله !!!! و بتريقه هل ده نادي محترم و ده بغض النظر عن الكافتيريات التعبانه اللي فيها الاكل اللي يقرف ويوجع البطن.
