ايناسيو حاملا حقيبة بها مليون و 140 الف جنية قيمة الشرط الجزائى من نادى الزمالك
ايناسيو حاملا حقيبة بها مليون و 140 الف جنية قيمة الشرط الجزائى من نادى الزمالك

بالفيديو.. خروج ايناسيو من الزمالك بـ 1.14 مليون جنية بعد واقعة احتجازه فى النادى

نشر احمد سليمان عضو نادى الزمالك والمرشح المحتمل لرئاسة مجلس ادارة الزمالك فى الانتخابات المقبلة، تعليقا على فيديو خرو المير الفنى لنادى الزمالك “ايناسيو” اثناء خروجة من نادى الزمالك حاملا مليون و 140 ألف جنية فى حقيبة وهى قيمة الشرط الجزائى لعقدة مع الزمالك اذا تم فسخ التعاقد من قبل نادى الزمالك.

وقال احمد سليمان، الفيديو المنشور على موقع اليوم السابع الخاص بنزول المدرب ايناسيو من مكتب رئيس الزمالك مساء أمس ومعة مليون و140 ألف جنية ” كاش ” في شنطة قيمة شهر ونصف من الشرط الجزائي لعقده مع الزمالك يثير استفزاز وغيرة كل من ينتمي لنادي الزمالك .

هو مش رئيس النادي طلع وقال أنا معلم ومعايا مستند يخلي ايناسيو ميحصلش على شرط جزائي ومحضرلوه ملف كامل للاتحاد الدولي علشان احنا اللي ناخد الشرط الجزائي .. طاب يا معلم فين كل الكلام ده.



وبعدين مين اللي خد القرار بانهاء العقد مع ايناسيو مناصفة في الشرط الجزائي والا وفد السفارة البرتغالية خوفكم .. هو فين مجلس الادارة ؟
والمثير للدهشة والاستغراب .. هي الفلوس دي كلها جات منين .. في الوقت ده .. هو فين أمين الصندوق .. هي فين الشيكات والبنوك اللي فاتحه في الوقت ده .. والا الناس دي بتتعامل مع فلوس النادي على طريقة :” هاتي يا حجة مليون و140 الف جنية من اللي عندك ” وفلوس النادي متشالة في أي غرفة من غرف العزبة ..!!

فين الناس اللي بتراقب وبتحاسب على اهدار أموال النادي بهذا الشكل وعلى الهواء مباشرة .. مش هي دي برضوه فلوس الجمعية العمومية والا فلوس صاحب العزبة ..!!

عرفتوا احنا قدمنا استقالتنا ليه ؟ علشان كده بتشتم رموز ونجوم نادى الزمالك علشان تغطى على احداث وتلعب باسم كبير ونجومه

اضف رد

لن يتم نشر البريد الإلكتروني . الحقول المطلوبة مشار لها بـ *

*