الرئيسية » الأندية الخاصة » بتروسبورت » تلوث حمام سباحة نادى بتروسبورت يثير غضب الاعضاء و يقاطعون التمرين
حمام السباحة نادى بتروسبورت
حمام السباحة الاوليمبى نادى بتروسبورت

تلوث حمام سباحة نادى بتروسبورت يثير غضب الاعضاء و يقاطعون التمرين

اثار تلوث مياة حمام السباحة الاوليمبى غضب اعضاء نادى بتروسبورت، ونشرت احد عضوات النادى صورة لمياة حمام السباحه الراكدة يطفو عليها حشرات و كذلك رائحتها الكريهة، وذكرت العضوه ان ركود المياة بسبب ان فلاتر المياه المسئولة عن تنظيف و تجديد المياه لا تعمل.

وذكرت العضوه عن ظهور حالات مرضية بين السباحين مثل حالات الالتهاب الفيروسي في المعده او فى الجهاز التنفسي او في العين، ودعت العضوه اعضاء النادى بالتوقف عن التمرينات وعن سداد الاشتراكات لحين قيام ادارة النادى بحل المشكلة وتظهير وتنظيف المياه.

و علق على ذلك العديد من اعضاء النادى بشهاداتهم حول اصابه ابناءهم بامراض بسبب مياه حمام السباحة، حيث قالت مدام اسماء الشناوى احدى عضوات النادى: “انا نزلت بنتي للاسف جالها صديد في البول بنسبة 50%وكانت بتعمل بيبي دم هي عندها 8سنوات حسبنا الله ونعم الوكيل فيهم البنت اخدت كمية حقن جرام في اليوم لمدة اسبوع”

وقالت م.سلوى سامى (احد عضوات النادى): “فعلا وانا بنتي رجعت من التمرين الخميس اللي فاتت بترجع وعندها مغص لغايه دلوقتي و تعبانه جدا”

وكذلك قالت م.هند محمد: “انا اشتركت لبنتي السنة اللي فاتت ف تمرين السباحة ومن اول اسبوع جالها التهاب حاد ف عنيها وفضلت تتعالج منه 3 شهور..وضاعت فلوس الاشتراك عليا…وللاسف من يومين نزلتها الحمام تلعب شويه خرجت تجري لما شافت حشرات سودا ف الميا دي غير ريحة الميا المعفنة”



وقالت مداد أروى صبحى: “احنا كنا اشتركنا من يوليو في نشاط السباحة ودا اول مرة لينا وفعلا ابني عينه التهبت وكنت فاكرة من الكلور وعلشان هو مش بينزل كتير…بس لما حصل مشكلة اول الشهر واتكتب بوست قررنا منكملش في السباحة ولا ننزل بيسين في النادي خوفا على صحته”

و اتفق اعضاء نادى بتروسبورت فى تعليقاتهم ان ادارة النادى لا تستجيب لمشاكلهم و لا تهتم بها، ولذلك دعا الاعضاء الى مقاطعة التمرينات و عدم دفع اشتراكات أكاديمية السباحة لحين حل المشكلة.

حمام سباحة نادى بتروسبورت

حمام سباحة نادى بتروسبورت

Save

Save

شارك الموضوع مع اصدقائك:
  • 252
    Shares

اضف رد

لن يتم نشر البريد الإلكتروني . الحقول المطلوبة مشار لها بـ *

*