الرئيسية » الأندية الرياضية » الأهلى » مرتضى منصور يفتح النار على الالتراس .. ويهاجم ادارة الاهلى

مرتضى منصور يفتح النار على الالتراس .. ويهاجم ادارة الاهلى

هاجم مرتضى منصور ادارة النادى الاهلى على سماحه بدخول اعضاء التراس الاهلى ضمن جماهير الاهلى خلال مباراته مع مونانا الجابونى على ستاد القاهرة، فى انطلاق مسيرته فى بطولة دورى ابطال افريقيا، واثارتها للشغب وهجومها على مؤسسات الدولة.

وطالب “منصور” بتطبيق قانون الرياضة الجديد على كل من أساء للدولة واشعل شماريخ وخرب منشآت الاستاد، والتى تصل عقوبتها الى 3 سنوات سجن لكل منهما.

كما طالب مرتضى منصور بأن يكون الحضور الجماهيرى للمباريات لاعضاء النادى فقط.

وقال “منصور”، “دول ألتراس، وأي حد يقول قلة مندسة ده كلام فاضي، طيب الهتافات اللي أساءت للناس كلها في الدولة دي إيه، الناس دي مش فارق معاها لا أم ولا أب، الناس دي عارفه هي عاوزه إيه، هي رايحة تشتم الشرطة والجيش”.

وأضاف، “مفيش منهم فايدة، دي حالة سرطانية، والدولة كل ما تتقدم خطوة علشان تسعد الجماهير، الفئة دي برتجعنا 30 خطوة”.

وقال محمد مرجان المدير التنفيذى للنادى الاهلى، تعليقًا على الاشتباكات التى جرت بين الألتراس والأمن خلال اللقاء: “في ناس مصممة إننا مانلعبش بجمهور، ومش عاوز تمشي في اتجاه البناء”.

وتابع: “الحمدلله قلبنا جامد ومش هنوافق على غلط، ماشيين بشفافية واللي أخطأ لازم يتحاسب. فى قانون رياضة وفى قانون شغب”.

وواصل: “عندنا هدف إننا نرجع للعالمية، ومش هانسمح إن يبقى في حد عبء علينا. احنا بنقدر جمهور الاهلى كويس جدا، وحق الجمهور علينا إنه يحضر الماتشات ونلعب في استاد القاهرة، لكن في ناس مش عاوزه ده”.

واستطرد: “الدولة تعيش ظروف خاصة، ولازم نلتف حواليها، احنا بنلعب كرة فى ستاد القاهرة، وفي ناس بتضحي بنفسها في سيناء”.

شارك الموضوع مع اصدقائك:
  • 4
    Shares

اضف رد

لن يتم نشر البريد الإلكتروني . الحقول المطلوبة مشار لها بـ *

*