نادى وادى دجلة الشيراتون

بعد الواقعة الثانية.. عضو يحذر من أمن نادى وادى دجلة

بعد أيام قليلة من واقعة القبض على متسلل داخل نادى وادى دجلة فرع المعادى، ومحاولته استدراج احدى بنات اعضاء النادى، حذر عضو أخر من أعضاء نادي وادى دجلة، فرع النخيل، يدعى محمد سلامة، جميع الأعضاء بضرورة توخي الحذر على أولادهم داخل النادى، بعد خروج طفلته التى لا تتعدي الـ3 سنوات من إحدى بوابات النادى وحدها امام الأمن.

وقال في منشور له على إحدى جروبات النادى على موقع التواصل الاجتماعي “فيس بوك”:

“طول عمرى بسمع عن الاستهتار في وادى دجلة بس النهاردة وبعد اللى حصل لازم يا جماعة يبقى في حل أنا النهاردة بنتى كانت هضيع منى بسبب الاستهتار الموضوع كالآتى كنا قاعدين مع جماعة أصحابنا خلصنا وقايمين وكان معايا بنتى 3 سنين.. المهم وإحنا بنسلم غفلنا عنها لحظة ببص لاقيتها برة بوابة النادى الكلام ده في فرع النخيل طبعا أنا شوفت المنظر جريت من فوق البوابات والحمد لله لحقتها ولما بسأل البيه بتاع الأمن لا بيه إيه ده باشا بقولوا إزاى ده يحصل إزاى البنت خرجت لوحدها علما بأن البوابة فاضية يعني مش زحمة ولا حاجة قالى ما إحنا ندهنالها ومردتش علينا طب هي خرجت إزاى أصلا بمنتهى البرود اللى في الدنيا يقولى ما إحنا كنا هنخرج وراها”.

واختتم كلامه بتحذير الاعضاء قائلا: “يا جماعة خلوا بالكوا من ولادكوا؛ لأنه ببساطة لا أمان في وادي دجلة نهائى”.

الجدير بالذكر ان “تامر العدوى” احد اعضاء نادى وادى دجلة، نشر الاسبوع الماضى عن واقعة قيام احد المتسللين الذى دخل النادى امام الأمن، وحاول استدراج ابنته، ولكنه استطاع القبض عليه واستدعاء الامن الذى اجرى تحقيقا فى الواقعه، وتم اخلاء سبيله من النيابة.

مصادر: النبأ

اضف رد

لن يتم نشر البريد الإلكتروني . الحقول المطلوبة مشار لها بـ *

*