الرئيسية » اعضاء الأندية » مشاكل الأعضاء » عضو وادى دجلة يستنجد بالشرطة ضد أمن ومدير النادى بعد واقعة الشروع فى قتل ابنه
نادى وادى دجلة الشيراتون

عضو وادى دجلة يستنجد بالشرطة ضد أمن ومدير النادى بعد واقعة الشروع فى قتل ابنه

قام “محمد على” عضو نادى وادى دجلة المعادى بتحرير محضر رقم 12 ح بتاريخ 18 أكتوبر 2018 شرطة زهراء المعادى، ضد ادارة وأمن نادى وادى دجلة يتهمهم بالاهمال الجسيم والتسيب والاضرار العمد بعد اصابة ابنه بملعب كرة القدم بفرع المعادى.

وقال محمد على فى شكواه:

اسوأ سلسلة نوادي، واسوأ خدمة للاعضاء .. اسوأ معاملة ..اسوأ أمن .. استهتار بحياة اولادنا .. جائزة أسوا مدير امن وإدارة، انها نوادي وادي دجلة .

المشكلة دي حصلت معانا الخميس 19اكتوبر 2018 في نادي الهلاك والعشوائية نادي وداي دجلة المعادي …

(علي ابني اللي في الصور 6 سنين في اولي ابتدائي وكل مشكلته انه بيحب الكورة وعضو في نادي وادي دجلة)

ابني كان بيلعب في ملعب الكورة ولأنهم مخصصين ملعب واحد فري .. فالاولاد كلها بتلعب في ملعب واحد وده علشان هم مخصصين باقي الملاعب يأجروها وياخدوا منها فلوس بالساعة .. المهم اللي بيحصل انه طفل اخر زي ابني اتخانق معاه علشان الملعب والكورة علما بان الملعب ده بيلعب فيه حوالي 8 أو 9 فرق اطفال وهو ملعب خماسي مش ملعب كبير وكل فرقة فيها 8 أطفال .. يعني حوالي 70او 80 ولد في ملعب صغير جدا ..

اصبحت الحكاية اشبه بغابة مفترسة اللي يعرفوا يضربوا التانيين هم اللي هيقدروا ياخدوا مساحة ويلعبوا فيها .. وبالفعل أطفال كبيرة ضربوا ابني لأنه قالهم لأ وانا مش هخاف منكم واتحولت الحكاية لبلطجة وسطوة وعشوائية وطبعا انا عاذر الاولاد سواء كبار او صغيرين لانهم وجدوا انه المشهد بالكامل تحول الي نزاع وبدون وعي او ادراك بقت حرب زي حرب تالتة خامس ورابعة تاني اتحولت المشكلة الي ضرب وبهدلة وابني اتعور في وشه.. لأن الولاد مؤمنين انه اللي هيعرف يضرب التاني هو ده اللي هياخد حقه وهيبقي راجل بجد .. في غياب من افراد امن النادي وادارة النادي وعلشان النادي يؤجر الملاعب وياخد منها فلوس بدلا من تركها للاعضاء ..

المصيبة بقي انه افراد الامن يقولولك احنا هنعمل ايه دي خناقة اطفال وكل شوية يحصل كده ومالناش دعوة واحنا اصلا عددنا قليل علشان كل اللي بييجي يشتغل يمشي لأنه المرتبات ضعيفة وعدد ساعات العمل كتير واحنا بنعمل اللي علينا وخلاص علشان اكل عيشنا ..

اكلم مدير امن النادي وإسمه “رأفت منير” يقوللي واحنا هنعمل ايه وعايزنا نعمل ايه يعني .. قولتله انت قاعد هنا في مكتب مكيف وسايب النادي شبه مركز شباب في العشوائيات .. قولتله هأعمل محضر وهأقلب الدنيا .. قاللي اعمل اللي انت عايزه

اتصلت بالنجدة ..عملت محضر .. وجيه امين الشرطة بصراحة قمة في الذوق والأدب وقاللي سيادتك مين هو المشكو في حقه قلتله النادي وامن النادي وعلي رأسهم رأفت منير مدير امن النادي .. وادامه قاللي يافندم هأعمل لحضرتك محضر فيهم بصفتهم وبشخصهم هو ونائب رئيس النادي كان واقف وبكل غطرسة احنا مش فارق معانا وروح اعمل اللي اللي انت عاوزه وبالفعل

.. عملنا محضر جنحة بالاهمال الجسيم والتسيب والاضرار العمد .. ورقمها متصور ومحطوط في الصور .. ودي صورة ابني بعد ما وقع واتبهدل واتعور في وشه وهو في نقطة شرطة زهراء المعادي وبنعمل المحضر .

شارك الموضوع مع اصدقائك:
  • 167
    Shares

اضف رد

لن يتم نشر البريد الإلكتروني . الحقول المطلوبة مشار لها بـ *

*