عضوة الزمالك اللي سحبت كارنية مرتضي منصور قبل وقف عضويتها

كتب: اتحاد الاعضاء 6:27 مساءً ,08-12-2020

كشفت إيناس الصديق، عضوة نادي الزمالك الذي سبق وقرر مرتضي منصور وقف عضويتها ومنها من دخول النادي، ونشرت تفاصيل الواقعة التى علي إثرها أوقف مرتضي منصور عضويتها وقرر شطبها من النادي.

وتحت عنوان “من اكل بباطل … جاع بحق و اللهم لا شماته”، مع صورة لها بكارنية عضوية مرتضي منصور لعام 2020، يحمل رقم عضوية 15341، بدأت عضوة الزمالك تسرد تفاصيل الواقعة، التي بدأت في شهر يناير الماضي حينما كانت متواجدة بنادى الزمالك.

وقالت “ايناس”، “كنت أتحدث بالتليفون.. وفوجئت بموكب الرئيس مراجيح مولد النبي مرتضى منصور… يمر و حوله قطيع الاغنام حاشيته..”.

وتابعت، “وقف أمامى يطلب منى كارنيه النادى .. و عندما سالته عن السبب … رفض ابداء او سبب … و قال بغرور الباعوضة.. انا رئيس نادى و بطلع كارنيه الخاص لى لاى حد .. و اخرج الكارنيه الخاص به من جيبه .. فاخذته منه … و اعطيته الكارنيه بتاعى”.

وأضافت عضوة النادي، فؤجت بأمن النادى يلتف حولى ما يقرب عن 30 شخص من ردال مرتضى منصور.. يطلبون الكارنيه بتاعه، ولكن أصريت على عدم رده الا اذا رد لى الكارنيه او اعطائى سبب مقنع لسحب الكارنيه الخاص بى … قال احدهم امام اصرارى.. *****، لان انت كنت قاعده حاطه رجل على رجل و سياده المستشار معدى*******.”.

وإستطردت، “الحقيقة شعرت بغثيان التسلط و الجاهليه و غرور النرجسية المرضيه … التى لن اقبل يوما ان يعاملنى احدا بها … و رفضت تمامًا رد الكارنيه بتاعه … توالت عاليا التهديدات بالاتهام بالسرقه و غيرها من الافتراءات الكاذبه … و انا امامهم لا اعترى بهم … و لا يهمنى التفافهم و قدرتهم القذره على المناوره.. وصل الامر انهم قفلوا بوابات النادى التى حولى و التفوا و جاءت احدى الامن النسائي و تتطاولت على .. حتى تاخذ كارنيه الاله بتاعهم الاعظم!!”.

وتابعت، “انا رفضت و خرجت بعد معناه شديده بينهم بكارنيه مرتضى منصور … وايمانى انى زى ما اخد كارنيه بتاعى ظلم انا اخد الكارنيه بتاعه و يبات مسحوب الكارنيه بتاعه ، وفيه ناس هتقول انت ليه كبرتى الموضوع ما تديله الكارنيه… لا الموضوع مش كارنيه .. الموضوع انه اتعامل معايا معامله لا تليق بى … فكان لازم اعامله معامله تليق به.

وأوضحت “انه منعنى من دخول النادى.. بحجه انى خالفت لائحه مرتضى منصور … لم ابالى … و دعيت الله ان يرد له ما فعله مع بالحرف … ان يمنع من دخول النادى … و انا كنت واثقه فى ربنا … و عارفه ان بطش ربك لشديد … هو بنفوذه و سلطته و انه عنده حمايه … انا مع الله القوى .. العدل .. الذى لا يرد دعوه مظلوم”.

وبعد منع مرتضى منصور من دخول النادى… قررت اعرفكم اللى حصل و اردد عليكم قول الامام على رضى الله عنه و ارضاه:

“إِيَّاكَ وَ ظُلْمَ مَنْ لَا يَجِدُ عَلَيْكَ نَاصِراً إِلَّا اللَّهَ”

وإختتمت عضوة النادي الموقوفة من مرتضي منصور، “انت بتنام بس ربنا مش بينام عن حقك ابدا … عدل ربنا”.

وكانت لجنة الفحص والتفتيش المشكلة من وزارة الشباب والرياضة، التي قامت بفحص أعمال نادي الزمالك، كشفت في تقريرها العديد من المخالفات المالية والإدارية بلغت مليار جنيه، وإستدعت إصدار قرار إيقاف مجلس إدارة النادي برئاسة مرتضي منصور والمدير المالي والمدير التنفيذي، وإحالتهم إلى النيابة العامة وتعيين لجنة مؤقتة لتسيير أعمال النادي، لحين إنتهاء تحقيقات النيابة العامة.