ملتقى أعضاء أندية مصر معلومات عن اشتراكات الاندية فى مصر و كيفية الاشتراك فى نادى و عروض و اخبار الأندية المصرية و اراء ومشاكل اعضاء الأنديةنشرت احد عضوات نادى وادى دجلة شكوى على جروب The Power Of Social Media وهو من أشهر المجموعات على الفيسبوك لنشر شكاوى العملاء و المواطنين، وذكرت العضوه فى شكواها انها عندما اقدمت للاشتراك فى نادى وادى دجلة منذ عام، قيل لها من موظفى المبيعات بالنادى بأنها ستتسلم عقد عضويه يوضح شروط التعاقد بينها وبين النادى و لكن هذا لم يحدث ولم تتسلم عقد عضوة مثل بعض الاعضاء القدامى.
وذكرت العضوة فى شكواها بأنها كانت سعيدة فى بداية اشتراكها بالنادى ولانها اشتركت فى توقيت الشتاء، فكان النادى غير مزدحم ولم تشعر بأزمة ازدحام النادى الا فى الصيف، وتعود شكوى اعضاء وادى دجلة من الازدحام بالنادى الى انه ليس هناك سقف محدد لعدد العضويات بالنادى حيث وصل اعضاء نادى وادى دجلة حتى اليوم أكثر من 130 ألف عضوية وكل عضوية منضم اليها اسرتها، فنحن نتحدث فيما يقرب من نصف مليون نسمه تتردد على 5 فروع لنوادى وادى دجلة.
ويذكر انه تفاعل العيدي من الاعضاء والاراء المؤيده لشكواها و اضاف اعضاء اخرون مشاكل وشكاوى اخرى من النادى وجنيعها تعود الى عدم اشراف وزارة الشباب والرياضة على جميع فروع نادى وادى دجلة، حيث تخضع لاشراف وادارة مجلس ادار شركة وادى دجلة للاسثمار العقارى.
وجاءت شكاوى اخرى من سوء خدمات النادى وتدهور خدماته مقابل ارتفاع الاسعار، وشكاوى اخرى نشرتها العضوة فى منشورها على الفيسبوك كالتالى:
انا لما اشتركت ف السنة الي فاتت اتقالي العقد يجهز و هيكون مع حضرتك و كنت لسة راجعه مصر و معنديش علم بالمستوي الي وصل ليه اشتركت فية بالسمع و بما اني معايا ولاد وعوزة اشترك ف نادي لان معظم النوادي حاليا مافيش تمارين غير للاعضاء ف وقع اختياري علي #دجلة للاسف
لان مافيش منافس تاني ف عدد الفروع
كنت مبسوطة من اول شهر
كان ف الشتا و مكنش ف زحمة لسه مع بداية الصيف بقي الزحمة و الحجز للتمارين بالخناق تقريبا
النظافه الي كنت بشوفها ف الاول بداءت تقل بشكل ملحوظ
عرفت انهم بيحشو النادي اعضاء بالهبل بدون لادراسة ولا انترفيو ولا اي حاجه
مجرد ملي النادي اعضاء و لم فلوس
لدرجه انك مش بتلاقي كرسي تقعد علية
بتفضل واقف اكتر من ساعه و ساعتين لحد متلاقي تربيزة و كراسي
لاحظ تاني كتير من الالعاب متهلكة و كان ف لعبة وقعت بطفلة ف فرع المعادي و ان اعضاء كتير اشتكو من عدم صيانة الالعاب بشكل مستمر و تجددها
مافيش اماكن الولاد تعلب فيها كورة لوحدهم كل الاماكن اماكن تدريب يعني بتروح بالولاد تقعد علي كافية دا لو لقيت مكان
دا غير عدم توفير بارك للعربيات ف #دجلة_شيرتون
و كمان قلة نظافه الاكل هناك بشكل ملحوظ رغم الاسعار المبالغ فيها
عدم صيانة حمامات السباحه البلاط ف حرم حمام السباحه متهالك و الصرف غير نظيف
دا كلة كوم 👇
و ان اطلب بنسخه من عقدي الي اشتركت كاش يكون الرد ممنوع يا فندم نعم ايه دا الي ممنوع حضرتك انا من حقي يبقي معايا عقد اي نادي محترم مسجل بيعمل كده
لما سالت كذا عضو قالو ان هما بيحشو الاعضاء بدون تسجلها اصلا ف وزارة الشباب و الرياضه يعني تسجيل صوري عندهم و ملهمش عقد
كل الي بيني و بين النادي وصل الدفع و الكروت
انا ندمانة اني اشتركت ف #دجلة للاسف
حسة اني رميت فلوسي علي الارض 😒
و نفسي يتعدل وويشوف الثغارات دي ويعدلها
و يدرس شويا ضم اعضاء لحد ما الفروع الجديدة تفتح ويزود الفروع علي مستوي القاهرة بدل ما الناس مش لقيا مكان لاتركن عربيتها ولا تقعد علي كرسي
#متشتركش_ف_وادى_دجلة هتندم
شكوى عضوه نادى وادى دجلة
