ملتقى أعضاء أندية مصر اسعار اشتراكات الاندية واخبار الأندية ولوائح قوانين الرياضة واسعار ومواصفات السيارات وأحدث اسعار السيارات وكل ما يهم اعضاء الاندية اثارت واقعة اعتداء اثنين من موظفي نادي 6 اكتوبر الرياضي، علي عضو واسرته، موجه غضب بين أعضاء النادي، وطالبوا بضرورة فصل هؤلاء من النادي، خاصة بعد شكوي اعضاء اخرين من اسلوبهم الغير لائق في التعامل مع الاعضاء.
وبدأت الواقعة حينما حاول العضو أحمد علي، النزول مع ابنه صاحب الخمس شهور، في حمام السباحة الخاص بالاطفال الأقل من ست سنوات، ولأنه رضيع لن يستطيع النزول وحده، ولان ممنوع نزول الكبار في حمام سباحة الاطفال فجلس العضو علي مسطح حمام السباحة ماسكاً بابنه في حمام السباحه ليستمتع بحمام السباحة.
ولكن تعامل مع اثنين من موظفي النادي “أخوات” يعملا منقذين علي حمام السباحة بشكل غير لائق، وطالبوا منه الخروج من حمام السباحة، فطلب منهم العضو استدعاء مسئول حمامات السباحة أو مسئول الأمن، فرد عليه احد المنقذين باسلوب مهين، مما استدعي العضو الي الرد عليه لايقافه عن التحدث معه بشكل غير لائق، مما أدي الي قيام احد المنقذين بالتعدي عليه بالسب والقذف وبالأيدي.
وقال أحمد علي، عضو النادي الذي تم الاعتداء عليه، في منشور له على جروب نادي مدينة 6 أكتوبر علي موقع التواصل الإجتماعي:
“أنا ومراتي وابني الخمس شهور، اضربنا واتشتمنا في حمام السباحة الخاص بالأطفال الأقل من 5 سنوات، ومفيش أي إرشادات أو لافتات تنفي أو تأكد المعلومة، ولكن اعرف المعلومة شفهيا من زمان”.
وتابع “علي”، “ابني عنده 5 شهور روحت النادي عشان أنزله الحمام الخاص بالسن ده، وبما إن الحمام صغير مش هينفع أنزل بجسمي كله، وبالتالي قعدت على سور البسين عشان أقدر أمسك ابني لاقيت المنقذ الأول بيقولي مش هينفع تنزل هنا قولت له أنا مش نازل أنا همسك ابني بس وأنا قاعد كده، قالي انزل به في البسين الكبير قولت له البسين الكبير أقل حاجة فيه متر ونص، ومش هاقدر أنزل فيه بابني، قالي انت قاعد قدامي وحاجب عني الرؤية قلت له حاضر هتحرك، وفعلا روحت الناحية التانية من حمام السباحة، وشي في وشه وبمشي برجلي فقط ماسك ابنى من ايده و بتحرك به”.
وأضاف “علي”، “مرة واحدة فوجئت بمنقذ آخر انت ماينفعش تتمشى في البيسن هو احنا هنفضل نهاتي مع الناس ايه القرف ده، وطلبت منه أن يأتي بالأمن أو المشرف بتاعك، ليرد مش هجيب حد ويقولي هو أنا كل ما اكلم حد يقولي الكلمتين الفارغين دول، وتوجعوا لنا دماغنا مابلاش قرف.
وحاول “علي” عدم الرد عليه حتي لا يتطور الموقف، ولكن رد عليه الموظف قائلا: أنا همرمط بكرامتك وكرامة أهلك الأرض، ومن هنا بدأ تبادل الألفاظ بينه وبين الموظف.
ثم بعدها فوجي العضو بهجوم الموظف الاخر “شقيق الموظف الأول” عليه ومعه ابنه وزوجته، متعديا عليه بالضرب بالايدي، وقام العضو بتحرير مذكرة بالواقعة مطالبا ادارة النادي برد حقه وكرامته.
