اعضاء نادى وادى دجلة بالاسكندرية: ضحكوا علينا

سادت حالة من الغضب بين اعضاء نادى وادى دجلة بالاسكندرية بسبب عدم وفاء ادارة النادى بوعودها لهم، حيث كان من المقرر افتتاح ٣ فروع فى الاسكندرية فى عام ٢٠١٦، والى الان لم يحدث وقامت ادارة النادى بافتتاح جزء تجريبى من فرع محرم بك.

ونشرت ريم المنجى احد اعضاء النادى بالاسكندرية تجربتها على مواقع التواصل الاجتماعى، وقالت:

احنا اشتركنا في الكيان الكبير ده من ٢٠١٥ علي ان النادي هيفتح في اسكندريه ٣ فروع علي ثلاثه مراحل. تقريبا كل ٦ شهور فرع يعني نستلم الثلاثه فروع كاملين فرع ميامي و فرع محرم بيك و فرع ابيس شتاء ٢٠١٦
و لكن بعد ٣ سنوات من المماطله و التسويف للاسف ضحكوا علينا و فتحوا لنا جزء لا يتعدي مساحته كافيه بجنينه في فرع محرم بك و مافيش اي معلومات عن باقي الفروع لا عارفين نجتمع باي حد من الاداره لا في اسكندريه ولا في القاهره !!! ولا في حد عاوز يدينا جواب صريح و لا غيره
و النهارده فوجئتا ان الاراضي اصلا بتاعه الفرعين التانيين الي احنا دافعين حق الاشتراك فيهم من ٣ سنين مش في حيازه النادي اساسا و النادي مازال بيبيع العضويات علي اكذوبه الثلاثه فروع !!!
و الكارثه بقي الي كلنا اكتشفناها لما روحنا الفرع اليتيم الي فتحوا الكافيهات فيه عشان يسكتونا بيها شمينا ريحه قمامه غير طبيعيه و كميه ناموس رهيبه و اكتشفنا ان ظهر النادي مستودع تجميع قمامه اسكندريه كلها خلف النادي بكام متر ناهيكم عن كم عربيات القمامه الغير عاديه الي بتعدي جنب السور بمعدل عربيه كل ١٠ دقايق.

لكم ان تتخيلوا هل ده جو ينفع نجيب فيه اطفالنا ؟؟؟ اجيب ولادي نادي يلعبوا فيه رياضه يروحوا بامراض الدنيا منه ؟؟؟؟ احنا مش عارفين نتصرف ازاي و لا نوصل لمين ولا نكلم مين عشان ناخد حقنا من عمليه النصب دي و نمنع النصب علي الناس الي ماعندهاش اي فكره عن الحقيقه .

مرفق مع كلامي فيديو لاحد الاعضاء من اجتماعنا في النادي النهارده عشان نشوف حل للمصيبه دي و صوره الكارنيه الخاص بيا وتم اضافه صور الكتالوج الي اتضحك بيه علينا

اضف رد

لن يتم نشر البريد الإلكتروني . الحقول المطلوبة مشار لها بـ *

*