مرتضى منصور: مستشار وزير الإخوان السابق يشرف على تزوير عمومية لائحة الأهلي (فيديو)

علق المستشار مرتضى منصور رئيس نادي الزمالك على الجمعية العمومية غير العادية، للنادى الاهلى التى أجريت أمس الجمعة الموافق 28 من شهر سبتمبر الجاري بمقر النادي الأهلي بالجزيرة، خلال فيديو نشره على صفحته الرسمية والموقع الرسمي لنادى الزمالك.

وقال مرتضى منصور، إن الثنائي هشام حطب رئيس اللجنة الأوليمبية ومحمود الخطيب رئيس النادي الأهلي، قد تم كشفهما أمام الجميع بعدما كانا يحشدان الأعضاء للتصويت على مدار الشهر الماضي: “أدي يا هشام يا حطب إنت والخطيب اتكشفتوا قدام الناس كلها بعد ما كنتم عاملين تدعوا الناس من شهر، وتقولوا لهم إن الجمعية العمومية التاريخية للنادي الأهلي إنه دستور مصر ودستور 23”.

وأكد مرتضى منصور، أن الخطيب وحطب جلسا مع محمد الدمرداش الذى كان مستشار صلاح عبد المقصود، وزير إعلام حكومة هشام قنديل الإخوانية، قائلًا: “قعدتوا مع محمد الدمرداش العقالي الشيعي وزير إعلام الإخوان صلاح عبد المقصود”.

وتساءل مرتضى: “يا محمد إنت خدت إذن عشان تروح تشرف.. سيادة المستشارة الجليلة رئيسة النيابة الإدارية ومع حضرتك السادة المستشارين المحترمين إزاي يسيبوا اللجان كده ويروحوا ياكلوا؟ وكل ده متسجل على فكرة ولحد الساعة 3 و4 أنا هاوري مصر كلها إن الجمعية العمومية فاضية مارحش فيها 200 واحد، وده بقى يعرفنا إن أعضاء النادي الأهلي محترمين ليه؟ لأن اللائحة كلها ديكتاتورية.. لائحة مافيهاش وطنية، لأن أعضاء مجلس الإدارة هاربنين من التجنيد عشان ماعدش عنده إشراف قضائي، ولا حتى الأوليمبية الملوخية العبطية دي.. لا ده الإشراف جاء من عنده هو”.

ووجه مرتضى منصور حديثه لأعضاء النادي الأهلي: “أي تسويد مصر كلها شافت إن اللجان فاضية، وده الفرق بقى بين نادي الزمالك والآلاف المؤلفة اللي كانت حاضرة من الساعة التاسعة صباحًا يا هشام يا حطب عشان العتال مأكلك.. ودي جمعية عمومية محترمة رفضت تشارك في المهزلة دي، إنما بقى هتسود أنا كعضو جمعية عمومية للأهلي هبلغ ومش هسكت ونشوف بقى مين بيمضي لمين”.


اضف رد

لن يتم نشر البريد الإلكتروني . الحقول المطلوبة مشار لها بـ *

*