منذر غريق نادي الغابة

حبس مشرفي حمام سباحة نادي الغابة بعد غرق “منذر”

أمرت نيابة مصر الجديدة، بحبس مشرفي حمام سباحة نادي الغابة 4 أيام علي ذمة التحقيقات التي تجريها في وفاة منذر.

ونعود الواقعة الي يوم الخميس الماضي الموافق 27/6/2019، عندما أتفق ابراهيم والد الطفل منذر، مع 2 من أصدقاءه انه يقضي يوم في نادى الغابة، ويحكي القصة احد شهود العيان كالتالي:

جاء ابراهيم عشان منذر يلعب خصوصا ان (أم منذر) حامل وصعب خروجها، و “والد” منذر حابب يخفف من عليها العبئ.

يوم الخميس جه ومنذر مع ابوه واصدقاء أبوه دخلوا النادي، أول ما دخلوا الطفل البرئ عادته عادة كل الأطفال فرح بحمام السباحة اترجى أبوه انه ينزل بسرعه قالة استني لحد ما نقعد و نحط الشنطة علي الترابيزة و نغير هدومنا و نلعب يا منذر.

كان سامعهم (كابتن) من الـ4 كباتن المتخصصين لحمام السباحة صِعب عليه رجاء منذر و محايلته علي أبوه انه ينزل حمام السباحة تدخل الكابتن وقال لـ إبراهيم والد منذر سيبه معانا و روح انت وتعالى، وسأل الكابتن الأب: الطفل بيعرف يعوم رد الأب قاله لأ
سألة: معاه عوامة.. قالة لأ
رد الكابتن قاله خلاص سيبه معانا وانت روح اجهز و تعالي دي مهمتنا و عنينا عليهم و معانا.

اطمئن الأب خاصاً ان ده نادى الغابة مش نادى بير سلم و اطمئن الأب اكثر لما شاف ان مش كابتن واحد اللي موجود لأ دول 4 كباتن.. هيعوز امآن ايه أكتر من كده ربنا اللى حامى حي لا يموت و 4 كباتن موجودين..؟

راح الأب و هو ماشي قرر انه يرجع تاني بسرعه يصور ابنه وهو علي اعتاب اللعب و اللهو و المرح قبل ما يشيلوا حاجتهم وتليفوناتهم.. ويرجع يلعبوا كلهم مع بعض بالفعل صوره الصورة اللي موجودة علي حمام السباحة وذهب.

رجع الأب بعد أقل من 5 دقائق يدور علي منذر.. مش موجود!!
عينه شافت كل وش من الوشوش اللي في حمام السباحة لكن منذر مش موجود!!
دور الأب علي الكابتن عشان ياخد منه منذر ويكمل لعبه مع ابوه و اصحابه
لقى الكابتن لكنه ملقاش منذر
الأب: فين منذر! ؟
الكابتن: معرفش جري وراك لما أنت مشيت!!
الأب: منذر مجاش ورايا

الذعر عم المكان بلغ أمن النادي بمراقبة البوابات لحين العثور علي منذر
دورنا في كل الكراسي و الترابيزات و كل الاماكن اللي ممكن يستخبوا فيها الأطفال و منذر مش موجود
بقلوب مرتعشة: متبقاش مكان ندور فيه إلا في قلب حمام السباحة و خاصاً في قاع حمام السباحة.
نزلوا الجميع للبحث عن منذر و كانت النتيجة للأسف..

منذر غرق في قاع حمام السباحة و السبب (اهمال الكابتن المسؤول)
منذر طفل لكن اتغدر بيه و بأبوه
منذر وثق في ثقة الأب للكابتن لكنه غرق
منذر كان في عرض قشاية تاخد بأيده و تلحقه لكنه غرق
منذر اتعلق ف أمل ان حد من الـ4 كباتن يلمحه وينقذه لكنه غرق
منذر براءة الدنيا اتجمعت فيه وحب الجميع له لم ينقذه من الغرق و النصيب اللي قرره ربنا سبحانه و تعالى
منذر اتقتل نتيجة اهمال المسؤولين منذر اتغدر بيه من المسؤولين.
للوهلة الأولى تحس ان الآب مهمل لكن لو تفكر بعقلك شويه و تسأل نفسك كان يعمل إيه الآب؟
الآب سلم ابنه للكابتن المسؤول وبحضور الشهود
الأب سلم ابنه للكابتن زي ما كل أب و أم بيسلموا أولادهم في البسين اثناء تدريبات السباحة مثلاً
الأب سلم منذر للموت و مكانش يعرف
و النتيجة!!
منذر غرق نتيجة اهمال و جريوا بيه ع مستشفى الحياة اللي جنب نادى الغابة لكن للأسف تقرير المستشفى ان منذر وصلهم ميت بالفعل نتيجة الغرق.

تم ابلاغ السلطات و اتحول الجميع للنيابة “نيابة مصر الجديدة” و تم اصدار قرار حبس الـ4 كباتن المسؤولين 4 أيام علي ذمة التحقيق
تقرير النيابة أثبت الغرق نتيجة الاهمال بعد الاستماع للشهود العيان علي الواقعة.

تابعنا علي اخبار جوجل

اضف رد

لن يتم نشر البريد الإلكتروني . الحقول المطلوبة مشار لها بـ *

*