تقدم صباح اليوم حازم إمام عضو مجلس إدارة اتحاد الكرة، بأوراق ترشحه لانتخابات اللجنة الأوليمبية المصرية المقبلة والمقرر اقامتها يوم الخميس 30 نوفمبر المقبل.

و ترشح حازم امام على منصب عضوية اللجنة الأوليمبية ممثلا عن الاتحاد المصرى لكرة القدم، و تستمر اللجنة الأوليمبية في استقبال أوراق المرشحين حتى يوم السبت المقبل قبل اغلاق باب الترشح واعلان المرشحين لبدء الدعاية الانتخابية لكل مرشح.

وأوضح حازم امام أن ترشحه لهذا المنصب من أجل اكتساب المزيد من الخبرات على مدار الفترة المقبلة، وشدد حازم على سعادته الكبيرة بالثقة التى وضعها فيه مجلس الجبلاية، مؤكدًا أنه متواجد من أجل خدمة كرة القدم في أى منصب.

كما قرر مجلس إدارة اتحاد الكرة الطائرة ترشيح خالد ناصف سليم، رئيس الاتحاد الذى تم انتخابه مؤخرا، للترشح فى انتخابات اللجنة الأولمبية على مقعد العضوية.

وكان خالد ناصف سليم قد نجح مؤخرا برئاسة اتحاد الكرة الطائرة فى الانتخابات التى أقيمت الجمعة الماضى، بحصوله على 46 صوتاً مقابل 45 صوتاً لفؤاد عبد السلام رئيس اللجنة المؤقتة السابق.

و يذكر أن الثلاثى حازم حسنى رئيس اتحاد الرماية ومحمد عبد العزيز غنيم رئيس اتحاد الملاكمة وشريف العريان رئيس اتحاد الخماسى الحديث قد تقدما بأوراق ترشحهما، حيث تقدم الأول على منصب العضوية والثانى سكرتير مساعد والأخير على منصب السكرتير العام.



و تقدم ايضا اللواء حازم حسنى رئيس اتحاد الرماية بأوراق ترشحه رسميا علي منصب العضوية.

و اعلن فى وقت سابق المهندس هشام حطب رئيس اللجنة الحالى عن ترشحه لرئاسة اللجنة الاولمبية للمدة 2017-2021، و يدعم معارضو هشام حطب، وليد عطا رئيس اتحاد ألعاب القوى، والمرشح أمام حطب على منصب الرئاسة.

أزمة جديدة تفجرها اللجنة الأولمبية فى الوسط الرياضى، عقب صدور قرار من المهندس هشام حطب رئيس اللجنة بتحصيل الفين جنيه من أى شخص أو هيئة رياضية عن أى استفسار أو شكوى يتم تقديمها للجنة تخص اللائحة أو قانون الرياضة الجديد.

و يتواجد في قاعة اللجنة الأولمبية باستاد القاهرة، مندوب مالى وآخر قانونى وثالث من السكرتارية من أجل تحصيل الرسوم أولا قبل استلام اى شكوى او إستفسار عن أي شىء يخص لوائح و قانون الرياضة.

و أشعل ذلك القرار حالة من الغضب داخل الوسط الرياضى لا سيما أنها سابقة تحدث للمرة الأولى وفى ظل وجود أزمات على الساحة من قبل اللجنة الأولمبية، وهو ما ساهم في المزيد من الأزمات والخلافات بين الجميع.

التمييز بين أعضاء النادى ” الرياضى الاجتماعى” الواحد !!

جاءت احد بنود اللائحة الاسترشادية والتى وصفها العديد من الخبراء بأنها الغير قانونية وغير دستورية، مادة “عضو الفرع” (مادة 8 من الباب التانى الفصل الاول)، وقبل ما نعرف مشكلتها، نوضح عضو الفرع اكتر، دلوقتى نادى له فرعين، فرع رئيسى قديم من سنيين و فرع تانى جديد اكبر من القديم مرتين تلاته واحدث وانضف، اللى بيشترك فى الفرع الرئيسى القديم الضيق واللى وسط زحمه البلد دا أغلى من الفرع الجديد الاوسع و الاحدث، بنسبه متوسط 50% زيادة فى السعر، بس عضو الفرع الرئيسى بيتميز بانه يدخل كل فروع النادى الحالية والمستقبليه، وعضو الفرع بيشترك فى فرع واحد قريب منه و دافع مقابل الفرع دا بس ولا يحق له دخل اى فروع اخرى للنادى الا اذا دفع الفرق فى سعر العضويه الرئيسية واسمها فى الائحة “عضويه عامل” يعنى بيبقى اسمه عضو عامل، ولحد هنا كدا عادى و حق ربنا فى ان كل عضو يستخدم المنشآت والخدمات اللى دافع تمنها فى الفرع.

عملوا بقى بند فى اللائحة الاسترشادية دى تمنع عضو الفرع ان يكون شريكا لباقى اعضاء نفس النادى فى اختيار من يمثلوه فى ادارة ناديه .. ما علاقة ذلك بالفلوس اللى دفعها كلا من العضوين، الفلوس مدفوعه مقابل منشاءات وخدمات النادى و دخول فروعه المختلفة.
مش مقابل صوتى فى الانتخابات و التصويت !؟ .. يعنى انا شارى شقتين فى عمارة مثلا وواحد تانى شارى شقه واحده، نقوم لما نيجى فى اتحاد ملاك العمارة ننتخب من يمثلنا فى ادارتها ، نقول للى عنده شقه واحده انت نكره ملكش صوت و خليك فى شقتك وانت ساكت ما تفتحش بوئك فى اى قرارات تخص العمارة !؟ وهو بيدفع دافع تمن شقته كامل و مسدد فلوس صيانه العمارة كل سنة !!؟ هل دا منطق قبل ما يكون اصلا دستور و حق وعدل !؟ بس واضح ان اللى وضع اللوائحوالقوانين دى ميعرفش عدل اصلا.

طيب انت عاوز تخلق فتنة بين اعضاء النادى الواحد ليه بالتمييز بينهم !!؟ ايه اهدافك؟؟ عاوز كل يوم تشوف مشكله وازمه بين الاعضاء ومجالس ادارتهم !؟ والا عاوز حريقة فى كل نادى الناس تتلاهى فيها بعيد عنك؟ ،،،، ماهو بردوا اعضاء الفرع الرئيسى متواجدين بالفرع الاخر لانهم بيدخلوا الفرعين، وبيشتركوا فى كل بطولات النادى مع بعض ورحلات وحفلات النادى مع بعض وعايشين مع بعض فى نفس النادى.. تقوم تعمل مادة فى اللائحة الاسترشادية كانت موجودة قبل كدا وتم الغاءها بعد أحكام قضائية ومنها حكم نهائى اعطى اعضاء فرع نادى ما حق حضور الجمعيات العمومية لانديتهم والتصويت فيها لانه حق دستورى لا جدال فيه بان ينتخب كل عضو من يمثله فى ادارة المنشآت والخدمات اللى دافع فلوسها.. تقوم بردو ماتحترمش احكام القضاء ولا تحترم الدستور اللى اقسمت على احترامه و تعمل اللائحة الجديدة بالشكل دا !؟ دى بند واحد من مادة واحدة فى اللائحة، فما بالك بالباقى.

وبعدين معلش ايه يدفع فرق العضويه بين عضوية الفرع و عضوية النادى الاصلى دى!!؟ اصلى !!!؟ يعنى عضو الفرع اشترك فى نادى تقليد صينى والا ايه !؟ دا المفروض تسموه بقى عضو نادى تقليد بقى مش عضو فرع !!!

و فتنة التمييز بين أعضاء اندية الشركات

و زى ما عمل فتنه بين اعضاء انديه الشركات و حرم العضو اللى مش موظف او عامل فى الشركة من انه ينتخب مجلس ادارة نادى ويشارك فى التصويت على قرارات الجمعية العمومية بعكس العضو العامل اللى موظف فى الشركة او القطاع الذى تتبع له الشركة اداله الحق دا.. و اعمل حسابك بقى ان كدا العضو الموظف اصبح له صوت يهم الشركة ويهم اداريين النادى والمدربين وكل اللى فى النادى عدا الاعضاء يهمهم صوت العضو العامل وعشان كدا هيرضوه على حساب العضو اللى مش عامل فى الشركة واللى سموه فى اللائحة الجديدة “عضو زائر” بدلا من عضو عامل او دائم،اللى اغلبيه الانديه لبستها خلاص بسبب عدم حضور الاعضاء بالعدد المطلوب قانونا للتصويت على لائحة خاصة للنادى بدلا منها،، ياريت اعضاء الانديه اللى لسه التصويت او الجمعيه العموميه عندهم خلال الاسبوع دا لان اخر مهله الانديه عشان تعتمد لوائحها تنتهى 30 اغسطس، ياريت الاعضاء تحضر وتشارك وحتى لو الاندى بتاعك معملش لائحة ، احضر وارفض الاسترشاديه بردوا المهم العدد عشان تكتمل الجمعيه العموميه وتعتمد قراراتها لان اقل نادى مطلوب منه تقريبا 3 الاف عضو يحضر شرط نجاح الجمعية العمومية والا يتم اعتماد اللائحة الاسترشاديه اللى اصدرتها اللجنة الاوليمبية لكل الاندية.

 

نص المادة من الجريدة الرسمية:

نص مادة العضو الزائر فى اندية الشركات والمصانع: