وصفات دايت دوكان
وصفات دايت دوكان

دوكان دايت للتخسيس السريع وأحدث وصفات ريجيم دوكان

دايت دوكان Dukan Diet، هو النظام العالمى الأفضل للتخسيس، وهذة معلومات عن نظام تخسيس دوكان، يجب قرائتها لمعرفة النظام وتطبيقه بدقة للوصول لأفضل نتائج التخسيس وانقاص الوزن.

ما هو رجيم دوكان دايت؟

دوكان دايت هو عبارة عن نظام حياة فرنسي الأصل لتحسين الصحة، وينقص الوزن ويحرق الدهون بسرعة ومن غير حرمان أو جوع، بينحت الجسم، فقط دون فقد العضلات والفيتامينات، و ينسب هذا الدايت إلي دكتور بيير دوكان خبير التغذية وقام بإعداد دوكان في(13) عام.

ويرجع سبب شهرة رجيم دوكان الى إتباع الملكة كيت ميدلتون لهذا الدايت وظهورها بجسم رشيق يوم زفافها مما اثار اندهاش الحاضريين، لذلك أُطلق عليه دايت الأميرة.

ويعتمد نظام دوكان دايت على أكل بروتين عالي وكربوهيرات قليلة ومنعدم الدهون.

اساسيات دايت دوكان:

1- نخالة الشوفان
2- شرب المياه بكثرة
3- المشي لمدة قصيرة

يتكون دايت دوكان من اربعة مراحل، 2 مرحلة لفقدان الوزن، و2 مرحلة لتثبيت الوزن:-

1- الهجوم
2- التحول في شكل الجسم
3- التماسك و..الدمج
4-ثبات نهائي في الوزن

تحذير هام: دايت دوكان ممنوع على الحوامل و المرضعات لأطفال صغيرة لا تأكل، و مرضى الكلى و الأمراض المستعصية، ومرضى السكر يستشيروا طبيبهم قبل اتباع هذا النظام للتخسيس.

1-مرحلة الهجوم : ( من ثلاث الي سبعة أيام )

بنحددهم ازاي؟
لو عندنا زيادة من 10 كيلو او اكثر…. نعمل اول مرحلة من 6 ل ٧ أيام.
لو أقل من 10 كيلو …. نعمل من 3 ل 4 أيام .
هدف الهجوم : فقدان الوزن من كيلو ل 7 كيلو

في مرحلة الهجوم دي بناكل كل أنواع البروتينات ( فراخ,, لحم,, سمك ,,جمبري,,تونة) بدون دهون ,,,و منتجات الألبان كلها الخالية الدسم(بحد أقصي كيلو لبن) ,,,والبيض بانواعه بالمعقول يعني مش اكتر من 3 او 4 بيضات يوميا
المشي والنشاط البدني والنخالة : معلقة ونصف نخالة شوفان يومياً ( يمكن شربها بالماء ، استخدامها في الطعام ، … ) و مشي كل يوم 20 دقيقة فيما فوق , وشرب مياه كتير.

بنعمل صدمة للجسم لاننا مش بنأكل غير بروتين فقط بنأكل بروتين طول المرحلة بكميات مفتوحة حتي الاشباع مفيش سعرات حرارية ولا كميات معينة لانه نظام حر مفتوح ممنوع النشويات وتوست الريجيم والعيش السن وممنوع الفشار واللب والمكسرات,,والخضار ,,والفاكهة بنأكل بيض بس بالمعقول يعني مش اكتر من ٣او٤بيضات يوميا منتجات الالبان خالية الدسم.

الجبن: يفضل قريش لانها أخف من الايت بروتين حيواني لانه عامل مهم واساسي دجاج واسماك وتونة -ولحم بكميات معقولة علشان النقرس وتركي مدخن.

مسموح بالشاي,, والقهوة,, والنسكافية السادة,, بلبن دايت وسكر دايت وتناول الشاي الاخضر يوميا مهم.

طبعا نخالة الشوفان عنصر اساسي ومهم في الدايت ده ومالهاش بديل ملعقة ونص كبار يوميا والنخالة مهمة لانها بتحرق الدهون وبتعوض غياب النشويات وبنعمل منها خبز وكريب وكيك ومافن وبسكوت.

مع الالتزام بشرب مياة بكمية كبيرة لاتقل عن 3 لتر يوميا، ومشي 20 دقيقة يوميا

فطار:
بيض اومليت بنقطة زيت زيتون او مسلوق وكوب لبن خالي الدسم وجبنة قريش وزبادي
الغداء:
سمك او دجاج مشوي مع خبز نخالة وسلطة زبادي
العشاء:
تونة مصفاة مع تركي مدخن او بيض مسلوق وزبادي

ده نموذج ينفع نبدل نزود نفتكس نغير براحتنا ينفع نأكل ٥ او 6مرات باليوم براحتنا برضه كمان في حدود البروتين وهنزلكم وجبات شهية ومشبعه كتيير في اخر البوست .

ملحوظة حلوة ومهمة البروتينات النقية بتخلي الجسم يحافظ على العضلات والعظام وبتدي الجسم طاقة في هذة المرحلة مع الالتزام الوزن بينزل بسرعة البرق .

2- مرحلة رحلة التحول في شكل الجسم:-

المدة: حتى أن يتم تحقيق الهدف والتحول للجسم النهائي المثالي.
في هذه المرحلة نأكل أيام بروتين وألبان فقط زي المرحلة الاولى، وأيام بروتين وألبان زائد خضروات فيما عدا ( البطاطس، البسلة ، الخضروات النشوية).
الجزر مسموح والبنجر بنسبة قليلة قدر الإمكان.

الطريقة:
نقسم الأيام مابين البروتين الخالص وأيام بروتينات وخضار، حسب أحتياجنا لخسارة الوزن على سبيل المثال لو حد حابب ينزل وزن كبير يقسم الأيام 5 أيام بروتينات وألبان و5 أيام بروتينات وألبان زائد خضار.
وللنزول وزن أقل شوية ممكن يعمل يوم ويوم او يومين/يومين او 3 أيام/3 أيام او 4 أيام/4 أيام وهكذا.
المشي والنشاط البدني والنخالة : بنزود شوية المشي او النشاط ل 30 دقيقة فأكثر+ بنزود نخالة الشوفان بنخليها في المرحلة دي معلقتين طعام كبار .

3-مرحلة الدمج والتماسك

المرحلة دي هدفها تنظيم رجوع الأكل عشان منضيعش تعبنا اللي عدي
مدة المرحلة دي تقريباً 10 أيام لكل كيلو خسرناه يعني لو خسرنا… 10 كيلو معناه اننا محتاجين 100… يوم في المرحلة دي
الهدف من المرحلة دي اننا منرجعش نتخن تاني ونثبت الوزن زندخل اكلنا الطبيعي قبل الدايت واحدة واحدة.

الأطعمة المسموح بيها هنا هتزيد شوية هتبقى الخطة كالاتي:

هناكل الأطعمة اللي كنا بناكلها في أول وتاني مرحلة، ولكن البروتين هيبقى حد أقصى يوم واحد فقط و بروتين وخضار باقي الأيام لينا وجبتين في الأسبوع ( وجبتين فري ) زي اللي كنا بناكلها قبل مانمش علي الدايت .

ولما نقرب من نصف المرحلة ,,هنأكل ٤ وجبات في الأسبوع .

+ ثمرة فاكهة واحدة في اليوم ما عدا ( موز/تين/عنب)
+ شريحتين خبز كامل ( الخبز التوست/ نص من الرغيف العادي)
+ مسموح لينا حوالي 200 جرام أرز, أو مكرونة ,أو بطاطس .

وجبة الفري يمكن ان تكون ( طبق رئيسي , مقبلات ,حلويات)

المشي والنشاط البدني والنخالة : الحد الأدني 30 دقيقة و معلقتين ونصف نخالة شوفان.

4- مرحلة ثبات الوزن و الأستقرار (تاكل كل ماتريد)

هدف المرحلة الثبات في الوزن ,,
بناكل كل اللي إحنا عايزينه بس نحاول نحافظ على عادتنا الصحية ونخصص يوم واحد في الإسبوع يكون بروتين فقط وألبان .
المشي والنشاط البدني : الحد الأدنى 20 دقيقة يومياً,,, و3 معالق يومياً من نخالة الشوفان .

المسموح به في جميع مراحل دوكان دايت:

1- البيبسي الدايت ,,, مسموح في كل المراحل
2- القهوة والشاي ,,, مسموح في كل المراحل
3-الأعشاب البحرية ,,, مسموحة في كل المراحل
4- الصويا صوص والترياكي ,,, مسموح في كل المراحل بنسبة قليلة .
5- مكعبات مرقة الدجاج ,,, مسموح في كل المراحل القليلة الملح وبنسبة قليلة جداً .
6- معجون الطماطم ,,, مسموح في كل المراحل بنسبة قليلة جداً .
7- البصل ,,, مسموح في كل المراحل كبهار للطعام وليست للأكل في أيام البروتين .
8- البكينج صودا ,,, البكينج بودر,,, مسموح في كل المراحل .
9- الكاكاو الخام ,,, مسموح في كل المراحل .
10- چلاتين بودر,,, مسموح في كل المراحل .
11- الكاتشب البيتي ’’’ مسموح في كل المراحل .
12- مسطردة ,,, مسموح في كل المراحل بنسبة قليلة جداً .
13 – ليمون,,, مسموح في كل المراحل ، ولكن في أيام البروتين يُعصر نقاط بسيطة منه لتنكية الطعام وليس العصير .
14- الملح والفلفل ,,, مسموح في كل المراحل ويفضل استخدامهم أثناء الطهي وتجنب رشهم فوق الطعام بعد الطهي .

أطعمة مسموحة من المرحلة الثانية فى دوكان دايت:

معلقتين في اليوم كحد أقصى من نوع واحد ,,أو من نوعين مختلفتين من الأتي:
1- الشوكلاتة التي هي 75% نسبة الكاكاو فيما فوق كل مربعين يعتبروا معلقة واحدة من الأطعمة المسموحة
2- الدقيق الأسمر( يفضل معلقة فقط )
3- نشاء الذرة (يفضل معلقة فقط)
4- دقيق الذرة ( زي ما سبق ) يا نستخدم نشاء الذرة يا دقيق الذرة في اليوم .
5- نخالة القمح الردة,, ( يفضل معلقة فقط)
6- القرع والجزر ( مسموحين في المرحلة الثانية من الدايت بنسبة قليلة ).
7- الكاسترد بودر ( الخالي من السكر والدهون ) .

وصفات أكل دايت دوكان

نخالة الشوفان:

– نخالة الشوفان هي عبارة عن القشرة الخارجية للشوفان ؛؛ الشوفان حبوبه مشبعة بالسكر ، لكن النخالة غنية الألياف وده اللي احنا محتاجينه في الدايت ده بالذات .
– النخالة بتأثر في أنقاص الوزن إزاي ؟
1- الألياف الموجود في النخالة بتساعد على سرعة وسهولة الأشباع .
2- النخالة لان لديها قدرة امتصاص عالية جداً فالخاصية دي تحولها لمادة لزجة,,, لما بتوصل للأمعاء مختلطة مع باقي جزيئات الأغذية بتاعتنا ، في الوقت ده بعد الاكل جزيئات الطعام بتتنقل للدم عشان تتحول لسعرات حرارية ، نخالة الشوفان بتلتسق ببعضها ، فبتمنع مرور جزيئات الغذاء للدم ، لإنها مادة لزجة غير مؤهلة للعبور ولا المرور في الدم.

فبيبقى الحل الوحيد عشان تخرج .. هو الخروج من الجسم مُحملة معها بعدد كبير من السعرات الحرارية من جزيئات الغذاء اللي كانت معاها .
وفي كل مرة بناخد فيها نخالة الشوفان فطبعاً بنخسر معاها بعض السعرات الحرارية .
فاذن الشعور بالشبع السريع وتسرب السعرات الحرارية.

دوكان دايت 2

دوكان دايت 2، لمن يريد انقاص وزنه رقم بسيط حوالي 10 كيلو او اقل او اللي صعب عليهم نظام رجيم دوكان الأول ( لكن طبعاً النزول في الوزن هيكون بهدوء اكتر )

فكرة دوكان دايت 2 عبارة عن سلم غذائي

يوم الاتنين: أكل بروتينات صافية ( بدون دهون وبدون جلد ) وألبان وجبن خالية الدسم وبيض. ونفس المسموحات في دوكان ١ ( سكر دايت,,, بيبسي دايت ,,, شاي ,,, قهوة )
يوم الثلاثاء : ( جميع محتوى يوم الاثنين + خضار ماعدا الخضروات النشوية ( مثل البطاطس ,,, البسلة .. وهكذا … )
يوم الأربعاء: ( جميع محتوى يوم الاتنين والثلاثاء زائد ٢ ثمرة فاكهة ماعدا ( الموز ,,, الكرز ,,, العنب )
يوم الخميس: ( جميع محتوى الايام السابقة + ٢ توست أو رغيف عيش عربي عادي )
يوم الجمعة: ( جميع محتوى الأيام السابقة + ٤٠ جرام من اي نوع جبن عادي )
يوم السبت: ( جميع محتوى الأيام السابقة + ٢٠٠ جرام طعام نشوي ( رز أو بسلة أو مكرونة أو بطاطس …)
يوم الأحد: ( جميع محتوى الأيام السابقة + وجبة مفتوحة ( طعام عادي ) يمكن ان تكون وجبة رئيسية زائد مقبلات + قطعة حلوى ( يفضل بكمية معقولة وفي الغداء)

  • معلقة ونصف نخالة شوفان يومياً
  • شرب مياه كثيرة
  • مشي ١٠ دقائق يومياً ( مشي سريع )
  • دوكان ٢ هدفها انقاص حوالي كيلو في الاسبوع وتم تجربتها على حوالي ٨٠ شخص لمدة شهرين .
  • لما بنوصل للوزن المثالي بنطبق المرحلة الثالثة والرابعة من نظام دوكان الأول وشرحها موجود في أعلي الموضوع.

بعض وصفات رجيم دوكان:

1- كيكة دوكان الشهية:

٢ بيضه + ٢ باكيت فانيليا بتخلطيهم كويس+سكر دايت حسب الرغبة وبضيفي عليهم ٢ ملعقه صغيره زيت زيتون وبتخلطي وملعقه كاكاو خام خالي من السكر وبتخلطي بعدين بتحطي ملعقه جنين القمح وبتخلطي و١٠ ملاعق نخاله الشوفان عليهم ٢ باكيت بيكنج باودر وكوب حليب خالي الدسم وبتخلطي كويس وبتحطيهم في قالب الكيك على ١٨٠ وبتنتبهي عليها لانها ما بتاخد وقت
الكميه دي ل ٥ ايام مرحله ثانيه لو مرحله اولى بتكفي لحد٧ ايام
بالف هنا.

دايت دوكانخبز سهل وشهي ممكن يتعمل في الميكروويف :

2معلقة نخالة شوفان
3 ملاعق زبادي خالي الدسم او لبن خالي الدسم
زعتر وسمسم وحبة البركة وكمون
نضرب بالشوكة عادي كلوا ويتساب يخمر لما اتساب عشر دقايق فعلا فرق وفي ميكرويف لمدة 4 دقايق ونقلبه الناحية التانية لمدة 1 دقيقة

ترامسيو:

1 بيضة + معلقة نخالة شوفان + 4 معالق جبن كريمي لايت +سكر دايت +نسكافيه + كاكاو بودرة خام +معلقة بيكينج بودر + معلقة فانيليا+6 معالق زبادي لايت

الطريقة:
نضرب صفار البيض مع السكر بمضرب كهربا ومعلقتين من الجبن والفانيليا
هنضرب البياض لوحدو مع بيكنج بودر
ونخلطهم بالراحة مع بعض ونحط معلقة النخالة وفي اي قالب في الفرن سخن لحد ماتسوى كويس
هنجهز باقي الجبن ومعاها باقي الزبادي وسكر حسب الذوق ونضربهم بمضرب كهربا
هنجهز معلقة نسكافية ومعلقة كاكاو في كوب ماء ونقلبهم جيداً.
ونعمل طبقة كيك ونشربها بالقهوة والكاكاو وطبقة كريمة الجبن وهكذا لاخر طبقات في التلاجة من 6 الي 8ساعات

فطاير دوكان بالجبنة القريش:

دايت دوكان4 ملاعق نخالة
بيكنج بودر نص معلقة صغيرة
بيضة ممكن بيضتين
وملعقتين بذور الكتان
وسيبتهم يرتاحو عشر دقايق العجينة بتكون لزجة
وشكلتهم بالمعلقة حطيت طبقة مديتها بالمعلقة وحطيت جبنة قريش فوقها وحطت طبقة رقيقة من العجينة ثم في الصينية ثم في الفرن عشر دقايق او ربع ساعة حسب الفرن على تاني رف بالفرن من فوق

كاتشب البيتي

نصف كيلو طماطم نصف كوب ماء وعلي النار هادئه لو نصف ساعة وبعد كل ضرب في الخلاط كويس جداااا وبعد كده علي نار هادئة لمده نصف ساعه نصف كوب ماء بدوب فيها معلقه نشأ نصف كوب خل و٤ اكياس سكر دايت وبالف هنا
مافن حادق بالرومي المدخن
2 بيضة يضربوا جامد +3 معالق لبن بودرة خالي الدسم +رومي مدخن متقطع حتت +معلقتين حبن قريش او لبنة خالي الدسم + ملح+فلفل اسود+فص ثوم +3 معالق لبن خالي الدسم مش بودرة +ملعقة بيكنج بودر ونقلب كويس ونضعه في قوالب وفي الفرن علي درجة حرارة 200 وومكن نرش علي الوش حبة البركة

الزبادي المثلج (ايس كريم دوكاني)

  • خالي الدسم علبتين زبادي
  • سكر دايت باكتين سكر ستيفيا
  • 2 كيلو لبن بودره خالي الدسم
  • نقطتين فانيليا
  • نقطتين نكهه ليمون او اي نكهة محببة
  • معلقه شيا
  • تخلط جيدا في الخلاط ثم تثلج و بالهناء و الشفاء

كيكة الشيكولا الدوكانية اللذيذة:

المقادير:

بيضه
حبه صغيرين بيكنج بودر
معلقتين نخاله+معلقه كاكاو خام
سكر دايت حسب الرغبه انا حطيت 4

طريقة التحضير:

قلبت كل دا مع بعض وحطيتهم ف كب الومنيوم وجت حله حطيت فيها مياة وعليها طبق به مياه أيضاً، وانتظري حتي تغلي، ثم نضع الكب علي نار وسط، واول ما تدخل في السوا نكسر عليها مكعب شكولا دارك عشان متسقطتش تحت وغطيت عليها لحد ما إستوت بتاخد حاولي 10دقايق.

اضف رد

لن يتم نشر البريد الإلكتروني . الحقول المطلوبة مشار لها بـ *

*